Árið 2025 var ár uppbyggingar, innleiðingar og aukinnar þjónustu. MMS vann að stórum stafrænum innviðaverkefnum, þróaði og forprófaði ný matstæki, gaf út og undirbjó ný námsgögn, styrkti stuðning við skólaþjónustu og jók sýnileika verkefna sinna gagnvart skólasamfélaginu.
Helstu áfangar ársins
- Nemendagrunnur fór í loftið og innleiðing komst á lokametra
- Innritun í framhaldsskóla fór í fyrsta sinn fram í nýju kerfi í gegnum Ísland.is
- Viðurkenning hlaust frá Stafrænu Íslandi fyrir að hafa tekið sjö stafræn skref
- Forprófun stöðu- og framvinduprófa fór fram í lesskilningi og stærðfræði
- Nýr aðalnámskrárvefur fór í loftið með umfangsmiklu stuðningsefni fyrir kennara
- Nýtt námsefni leit dagsins ljós
- MEMM-vefur var opnaður með verkfærum, fræðslu og stuðningi fyrir skólasamfélagið
- Unnið var að nýjum grunni fyrir namsefni.is, meðal annars með það að leiðarljósi að aðlaga námsefni á einfaldan hátt
- Heillaspor-verkefnið var innleitt í tólf sveitarfélögum og Landsteymi studdi skóla í fjölda mála
- MMS tók þátt í fjölmennum kynningum, ráðstefnum og fræðsluviðburðum um land allt
Lykiltölur ársins
64
starfsmenn störfuðu hjá MMS
í 58,2 stöðugildum
5.131
nýnemar sóttu um innritun í framhaldsskóla
4.136
nemendur fengu skólavist í fyrsta vali
493.850
eintök af námsbókum voru prentuð
~8.000
nemendur tóku þátt í forprófun stöðu- og framvinduprófa
26
skólar tóku þátt í forprófun stöðu- og framvinduprófa
~500
kennarar tóku þátt í námskeiðum um Ritunarrammann
~2.000
kennarar tóku þátt í námskeiðum um aðalnámskrá
58.000
notendur sóttu Næsta skref heim
301
ljóð barst í Ljóðaflóð frá 25 skólum
126
mál voru unnin af Landsteymi
2.196 m.kr.
m.kr. voru tekjur MMS
Áskoranir í menntakerfinu
Íslenskt menntakerfi stendur frammi fyrir fjölþættum áskorunum. Alþjóðlegar mælingar hafa sýnt að námsárangur er slakari, meðal annars í lesskilningi og stærðfræði. Jafnframt hefur verið bent á aukinn mun milli nemendahópa, fjölbreyttari þarfir nemenda, aukna vanlíðan barna og takmarkaða yfirsýn vegna ósamræmdra gagna og ólíkra kerfa.
Þessar áskoranir kalla á markvissa uppbyggingu, samræmd gögn, öflug matstæki, vönduð námsgögn og stuðning sem nær til skólasamfélagsins alls. Verkefni MMS árið 2025 tóku mið af þessari stöðu og miðuðu að því að byggja upp traustari grunn fyrir umbætur til framtíðar.
Þrjú samofin markmið
Vinna MMS byggir á þremur samofnum markmiðum: menntun, farsæld og jöfnuði til náms.
Menntun
Markmiðið er að bæta námsárangur, styðja við framfarir í lesskilningi og stærðfræði, innleiða vönduð matstæki og styrkja kennslu með fjölbreyttum námsgögnum og faglegum stuðningi.
Farsæld
Áhersla er lögð á góða líðan barna, snemmtækan og þrepaskiptan stuðning, eflingu skólaþjónustu og betri verkfæri fyrir fagfólk og foreldra.
Jöfnuður til náms
Jöfnuður til náms felur í sér að aðlaga nám að ólíkum þörfum barna og tryggja að uppruni, kyn, efnahagur eða tungumála- og menningarbakgrunnur hafi ekki óeðlileg áhrif á árangur, líðan eða þátttöku.
Forgangsverkefni MMS
Á árinu 2025 var unnið að sex stefnumótandi verkefnum sem styðja sameiginlega sýn MMS um að skapa betri skilyrði fyrir börn til að menntast og dafna.
Aðlöguð námsgögn
Gagnadrifið menntakerfi
Matsferill – stafrænt vistkerfi matstækja
Skilvirk skólaþjónusta
Efling faglegar umræðu um menntamál
Ástríðufull vinnumenning
Verkefnin mynda samfellda heild. Námsgögn, námsmat og skólaþjónusta styðja beint við skólastarf og stuðning við nemendur. Gagnainnviðir, rannsóknir og mat byggja upp lærdóms- og umbótakerfi sem styður stefnumótun og ákvarðanir. Vinnumenning og mannauður tryggja framkvæmdagetu og gæði í innleiðingu.